Azərbaycanın görkəmli caz pianoçusu və bəstəkarı.
Azərbaycan caz musiqisinin banilərindən biri.
Oriqinal ifaçılıq üslubuna malik olan Vagif Mustafazadə Azərbaycan muqamlarını ənənəvi caz texnikası ilə birləşdirib muğam ilə cazın sintezini yaradıb (caz - muğam).

16.03.1940  Bakı şəhərində doğulub. 1963 Asəf Zeynallı adına Bakı Dövlət musiqi texnikumunu bitirib. 1965 Gürcüstan Dövlət filarmoniyasında "Qafqaz" caz - triosunu yaradıb. 1970 "Leyli" ilk qadın vokal kvartetinə, 1971 - 1977 "Sevil" vokal - instrumental ansamblina, 1977 - 1979 "Muğam" instrumental ansamblina rəhbərlik edib. "Tallin - 66", "Tbilisi - 78" ümumittifaq caz festivalların laureatı olub. 1978 Bəstəkarlarının Monakoda 8 - ci beynəlxalq caz müsabiqəsində birinci mükafata layiq görülüb. 1979 Azərbaycanın əməkdar artisti. 1982 Azərbaycan Dövlət mükafatı laureatı. (Ölümündən sonra) Fortepiano ilə orkestr üçün Konsertin, "Muğam" simfoniyasının və sairə əsərlərin müəllifidir. 17.12.  1979 Daşkəndə vəfat edib.Bakıda dəfn olunub.